ჰელიოსი ეთერში

თეატრი „კონტაქტი“ წარმოგიდგენთ ინკლუზიურ სპექტაკლს „ჰელიოსი ეთერში“. პრემიერა გაიმართება 2026 წლის 17 მაისს, 20:00 საათზე, სოხუმის სახელმწიფო დრამატულ თეატრში (უზნაძის ქ. 68). პიესის ავტორი და რეჟისორი არის ირიუ კოხრეიძე. სცენოგრაფიასა და პროდიუსერობას ხელმძღვანელობს გიორგი მიქაბერიძე, მუსიკა შექმნა My Equinox Divine-მ, ვიდეო გრაფიკა კი არჩილ ბედიააშვილმა გააკეთე. ჟანრი: სიმბოლიზმი და აბსურდის თეატრი. სპექტაკლში არ ხდება ბერძნული მითოლოგიის პირდაპირი წარმოჩენა – ჰელიოსი აქ სიმბოლიკაა, რომელიც ადამიანის თვითშემეცნების გზაზე გამოჩნდება. მოქმედება ვითარდება სარკიან ოთახში, სადაც ადამიანები გათიშულ მდგომარეობაში არსებობენ, ხოლო ეკრანდან მუდმივად მიღებული სიგნალებით ელოდებიან “ჰელიოსის” გამოჩენას. ინფორმაცია თავისებურად აღიქმება: ზოგში დაუცველობა და დაბნეულობა ჩნდება, დანარჩენები იპოვებენ მხსნელის მოლოდინში შვებას. ციფრულ ჩარჩოებში გამომწყვდეული საზოგადოების კრიზისი ორიგინალურადაა გადმოცემული: შინაგანი ქაოსი, კონფლიქტი, სიცარიელე, ორმაგობა, გულწრფელობა და ზედაპირული თვითდახმარება ადამიანების ყოველდღიურ ცხოვრებას განსაზღვრავს. ნაწილი ამ საზოგადოების ტრანსის მდგომარეობას ემიჯნება და ცდილობს საკუთარ ღირებულებებსა და ილუზიებთან დაპირისპირებას. როლებში: ნანო გორდაძე, ვასო კიპაროიძე, მაშიკო თვალიაბრიშვილი, გვანცა ჯავახიშვილი, გიორგი გვასალია, მანჩო კოხრეიძე, გიორგი მიქაბერიძე, ლუკა უშვერიძე, თათო სიხარულიძე, მარიამ იორდანიშვილი, ნინი ბიკოვი, სანდრო დარსაველიძე, თაკო უჯმაჯურიძე, მაიკო მინჯია, ანანო ჩიტაძე და დაჩი ზერაქიძე. სპექტაკლი გრძელდება 1 საათი და 15 წუთი და განკუთვნილია 12 წლიდან. „თეატრი კონტაქტი“ პირველი ქართული ინკლუზიური პროექტია, რომელმაც საერთაშორისო აღიარება მოიპოვა და ითვლება ITI UNESCO-ს ორგანიზაციის წევრად. ირიუ კოხრეიძე კი ამ მიმართულების განვითარებისთვის ღირსების ორდენის ლაურეატია.